منتدى الأرانب للجميع


أهلا وسهلا بك زائرنا الكريم ، في منتديات الأرانب للجميع .
المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى . مع تحيات الإدارة


أول منتدى عربى رائد في مجال تربية الأرانب ومستلزماتها ... يضم صفوة خبراء المجال ويعتبر الوجهة الأولى لمربي الأرانب فى العالم العربي ، حيث يساعد أصحاب الأرانب والحيوانات بأمورتربيتها ورعايتها وكيفية التعامل معها ، تجد به أيضا كل ما يهمك عن الزراعة وتربية
اعلانات الموقع المدفوعة
  منتدى الأرانب للجميع   ::  :: 
انتقل الى الصفحة : 1, 2, 3, 4, 5  الصفحة التالية
كيفية التعامل مع الإناث الرافضه للتلقيح حصريا على منتدى الأرانب للجميع
تاريخ النشر : 06/12/2011
 
 
محمد طويله
المدير العام
المدير العام

<b>الإنتساب</b> الإنتساب: 14/01/2011
<b>الجــنـس</b> الجــنـس: ذكر
<b>المساهمات</b> المساهمات: 5455
<b>تقييم المستوى</b> تقييم المستوى: 223
<b>نقاط التميز</b> نقاط التميز: 7475
<b>العمر</b> العمر: 33
<b>المدينة</b> المدينة: الزقازيق
المهنه: محامى معتزل
 

السلام عليكم ورحمه الله وبركاته

من ضمن أسباب رفض الأنثى للتلقيح الأسباب التاليه
1ـ حداثه سن الأنثى ونقص نمو الأعضاء التناسليه عندها
2ـ وجود إلتهابات فى المبايض أو الرحم أو عنق الرحم
3ـ ارتفاع درجه الحراره فى الصيف وهذا يجعل الأنثى أقل رغبه فى التلقيح
4ـ تربيه الذكور مع الإناث فى جماعات وليس فى أقفاص متفرده والمهندسبن بينصحوا
إن تربيه الإناث من الممكن (فى حالات الضروره) تربيتها فى جماعات مع مراعاه وجود أماكن للولاده بنفس عدد الإناث
يعنى لوعندك 5 إناث على الأرض لازم يكون موجود فى نفس المكان خمس أماكن للولاده أما الذكور فالأفضل أن يكون
كل ذكر فى قفص منفرد لزياده ترغيب الأنثى فى الذكر
5ـ من الممكن أن يكون الخوف سبب رئيسى فى عدم قبول الأنثى للتلقيح حتى لو كانت الأنثى قديمه
وولدت أكثر من مره لأن وقتها بيكون الخوف سبب عارض
زى ما يكون فى عند الجيران فرح والدى جى شغال طول الليل ممكن تيجى تلقح الأنثى بالليل تلاقيها رافضه التلقيح
رغم إن عمرها ما رفضت ـ فقط هو الخوف من الحاجه الجديده اللى أول مره تتعرض ليها هو اللى سبب ليها ده
طيب لو النثى لا خايفه ولا صغيره فى السن ولا مريضه ولا عندها أى حاجه ممكن تخليها ترفض التلقيح
وكمان هانفترض انك نزلتها لذكر مدرب وجاهز

[ندعوك للتسجيل في المنتدى أو التعريف بنفسك لمعاينة هذا الرابط]
وإن القفص مستدير وليس مربع حتى لا تلصق مؤخرتها بركن القفص
زى الأقفاص دى
[ندعوك للتسجيل في المنتدى أو التعريف بنفسك لمعاينة هذا الرابط]
ورغم كل ده رافضه التلقيح وده طبعا دلع سخيف إحنا مش محتاجينه طيب نتصرف إزاى
كتير من المربين الخبره فى التربيه بيستعملوا الأستك فى تلقيح الإجبارى
أستك عادى جدا زى بتاع البيجامات موجود عند أى عطار وفى الأسواق
و بيستعملوه بإنهم يربطوا ذيل الأنثى بالأستك ويشدوا الذيل من أعلى الأرنبه وبنفس اليد الممسكه للأستك
يتم إمساك الأرنبه من الأذنين مع جزء من فراء خلف الرقبه واليد الأخرى بيتم حمل الأرنبه بها وتقديمها للذكر
من فتحه جانبيه للقفص أو بيشيلفوا العلافه ويدخلوا الأنثى من مكان العلافه مع رفع مؤخره الأرنبه قليلا
لإعطاء فرصه للذكر أن يقوم بالتلقيح
لكن بيقابلهم مشكلتين
الأولى ممكن يكون الذكر بيرفض الأنثى المربوطه ويبقى كده ماعملناش حاجه
والمشكله الثانيه ممكن الذكر يطلع بأظافره على إيدك ويخربشك وانت أكيد مش محتاج تتخربش
أو حتى يتعمد يخربشك علشان تترك الأنثى
والحل مع الأنثى اللى بتتدلع الدلع السخيف ده هو برضه الأستك بس الإختلاف فى طريقه استخدامه
بدل ما تمسك الأرنبه بالأستك بالطريقه دى هانعمل طريقه أخرى
1 ـ نقوم بربط الأستك لتكوين حلقه كامله به (دايره)
2ـ طرف الدائره يتم تثبيته فى ذيل الأنثى ليس بالربط وإنما نعملها (شنيطه)
ووصفها انك تطبق الأستك المعمول دائره وتيجى على الطرف المتنى و تثنيه على نفسه مره أخرى لكن بعكس تطبيقه الأستك الأولى وبعد شد الأستك والتأكد من ثباته فى ذيل الأنثى
نأتى للطرف الثانى من الأستك نثبته على ظهر الأنثى بحيث تدخل كل قدم من الأقدام الأماميه للأرنبه بجانب من الدائره
ويتصل الجانبين من الأعلى خلف رقبه الأنثى
يعنى كأنك بتلبسها شنطه المدرسه
والنتيجه هى أنثى (متكتفه) من كل ناحيه وذيلها مرفوع وقابله للتلقيح حتى لو كانت رافضه
ومجرد ما تنزل للذكر بيعتليها على طول
بس المهم لو انت فى الظروف العاديه بتقدم الأنثى للذكر مرتين فى ظروف التلقيح الإجبارى قدمها للذكر 4 مرات
مثلا مرتين بعد الفجر ومرتين فى العشاء أو ثانى يوم مثلا لأن نتيجه التلقيح الإجبارى هى 50 % كما يؤكد الكثير من المربين والخبراء
يا رب أكون قدرت أوصل المعلومه


[b]قبل أى شئ أنا متأسف جدا جدا جدا على التأخير فى موضوع الصور
ويارب تكون الصور واضحه ومبينه الأمر بسهوله

صوره ـ 1
طبعا لأنى مش اعرف اوضل الأمر على ذيل الأرنبه فاستعملت قلم واعتبروا القلم هو الذيل
وده شكل الأستك المربوط على القلم (ذيل الأرنبه)

[ندعوك للتسجيل في المنتدى أو التعريف بنفسك لمعاينة هذا الرابط]

صوره ـ 2
وده شكل الأرنبه وهى مربوط فيها الأستك واللى مايعرفش الربطه دى بتتعمل ازاى مش مهم
المهم انك تربط الأستك فى الذيل بأى ربطه تعرفها ويكون الأستك بنفس الشكل الدائرى اللى فى الصوره


[ندعوك للتسجيل في المنتدى أو التعريف بنفسك لمعاينة هذا الرابط]

صوره ـ 3
ده شكل الأرنبه من الأعلى وهى ملفوف الأستك حواليها الأجناب باينه وواضحه
والأستك من على الظهر أنا رافعه بإيدى علشان يبقى واضح فى الصوره
زى ماقلنا كأنها بتلبسها شنطه المدرسه


[ندعوك للتسجيل في المنتدى أو التعريف بنفسك لمعاينة هذا الرابط]

صوره ـ 4
ده شكل الأرنبه من الخلف ـ الوضع اللى بتنزل بيه للذكر ذيلها مرفوع ومشدود للأعلى
من غير ما تمسكها بإيدك وبفضل الله الذكر بيلقحها على طووووووووول
ونأسف على التأخير مره تانيه وعلى عدم جوده الصور
بكره ربنا يكرم بموبايل احسن من كده


[ندعوك للتسجيل في المنتدى أو التعريف بنفسك لمعاينة هذا الرابط]
[/b]


عدل سابقا من قبل M.Tawela في الخميس نوفمبر 29, 2012 4:03 pm عدل 2 مرات (السبب : تعديل العنوان والتثبيت)
         

الف شكر ع المعلومة دي
بس لو في صورة لطريقة التكتيف دي تبقى كملت جميلك علينا

وبالنسبة لاختلال مكونات العليقة
وفشل في تمثيل الفوسفور في الجسم؟؟

[ندعوك للتسجيل في المنتدى أو التعريف بنفسك لمعاينة هذا الرابط] كتب:
الف شكر ع المعلومة دي
بس لو في صورة لطريقة التكتيف دي تبقى كملت جميلك علينا


[b]والله كن عايز أعمل صور يا أحمد
بس للأسف الأيام دى مش عندى ولا أرنب أنا صفيت المشروع
بسبب مشغوليتى فى المبانى
والحمد لله المبانى خلصت على كل الفلوس اللى معايا وهى لسه ما خلصتش
وشكلها كده والله أعلم هابدأ من تحت الصفر مره تانيه ده لو عرفت أوصل للصفر أصلا
بس مش مشكله أنا راضى وبحمد ربنا على اللى أنا فيه سواء كتير أو قليل
بإذن الله أول ما يتوفر قدامى أى أرنب إن شاء الله هاعمل صور للموضوع
[/b]

[ندعوك للتسجيل في المنتدى أو التعريف بنفسك لمعاينة هذا الرابط] كتب:
وبالنسبة لاختلال مكونات العليقة
وفشل في تمثيل الفوسفور في الجسم؟؟

إختلال مكونات العليقه والفشل فى تمثيل الفسفور
ده سبب للعقم عند الإناث وليس سبب لرفض التلقيح
يعنى ممكن تقبل التلقيح بس العليقه غير متوازنه فيكون التبويض
عند الأنثى شبه معدوموده اسمه عقم مؤقت يزول بزوال المسبب
يعنى لو اتعالجت بتشتغل تمام وزى الفل ولو اتعالجت وماشتغلتش تبقى عاقر وتستبعد


ولازم نفرق يا جماعه بين العقم وبين رفض التلقيح

العقم / هو عدم القدره على الحمل لأى سبب كان
رفض التلقيح / هو رفض الأنثى للذكر أى لا تسمح للذكر بأن يعتليها للقيام بالتلقيح

حلوة طريقة التكتيف دى يا محمد

لكن أنا بفضل إنى أفتش فى الأنثى الرافضة للذكر ، وبالتأكيد هلاقى فيها مشكلة ، وبعلاج المشكلة هتسمح للذكر بالقيام بواجبه بشكل طبيعى.

ده طبعاً لا يقلل من شأن فكرتك

تقبل التحية

شكرا علي التوضيح

الجزار1 كتب:
حلوة طريقة التكتيف دى يا محمد

لكن أنا بفضل إنى أفتش فى الأنثى الرافضة للذكر ، وبالتأكيد هلاقى فيها مشكلة ، وبعلاج المشكلة هتسمح للذكر بالقيام بواجبه بشكل طبيعى.

ده طبعاً لا يقلل من شأن فكرتك

تقبل التحية

شكرا ليك أخى الكريم
بس لو راجعت الموضوع هتلاقى إنى كاتب إن عمليه التكتيف بالطريقه دى
لا نلجأ إليها إلا فى حاله إن الأنثى سليمه ومافيهاش أى عارض يمنع التلقيح
ورغم ذلك ( بتتدلع دلع سخيف وبترفض التلقيح)
وقتها بس يتم اللجوء إلى التلقيح بهذه الطريقه
يعنى بنراجع على الأنثى أولا ولو مش فيها أى مانع يمنع التلقيح
بنشوف موضوع الأستك

[ندعوك للتسجيل في المنتدى أو التعريف بنفسك لمعاينة هذا الرابط] كتب:
شكرا علي التوضيح

العفو ـ تحت أمرك

الله ينور يا عبقرينو..
والله أنا لسه عامل موضوع الفتله النهارده (اصلى بربط ديلها بفتله مش أستك) وفعلا مش لاقى فيها أى عيب ظاهر الارنبه زى الفل.. حتى المهبل لونه أحمر حتى مش ابيض..
المهم..
مشكور وفى انتظار المزيد..
وجميله فكرة (ألبسها شنطة المدرسه)..

جزاك الله الف خير
تسلم ايدك
ودماغك

هم كل بتوع الشرقية مصفيين علشان المباني زيي ولا ايه
ع العموم ربنا يعينك ويعيني انا كمان و نبتدي مع الارانب سوا ان شاء الله من تاني

[ندعوك للتسجيل في المنتدى أو التعريف بنفسك لمعاينة هذا الرابط] كتب:
الله ينور يا عبقرينو..
والله أنا لسه عامل موضوع الفتله النهارده (اصلى بربط ديلها بفتله مش أستك) وفعلا مش لاقى فيها أى عيب ظاهر الارنبه زى الفل.. حتى المهبل لونه أحمر حتى مش ابيض..
المهم..
مشكور وفى انتظار المزيد..
وجميله فكرة (ألبسها شنطة المدرسه)..

تحت أمرك يا عمرو ويا رب تكون الفكره واضحه
أنا تعبت كتير علشان ألاقى ألفاظ تشرح الوضع
ولو عندى أى أرنب كنت نزلت ليه صوره أسهل


عدل سابقا من قبل M.Tawela في الخميس ديسمبر 08, 2011 12:06 pm عدل 1 مرات

[ندعوك للتسجيل في المنتدى أو التعريف بنفسك لمعاينة هذا الرابط] كتب:
جزاك الله الف خير
تسلم ايدك
ودماغك

أى خدمه يا علاء

[ندعوك للتسجيل في المنتدى أو التعريف بنفسك لمعاينة هذا الرابط] كتب:
هم كل بتوع الشرقية مصفيين علشان المباني زيي ولا ايه
ع العموم ربنا يعينك ويعيني انا كمان و نبتدي مع الارانب سوا ان شاء الله من تاني

إنت كمان بتبنى !! وفلوسك خلصت زيى ولا لسه ؟
الحمد لله أنا الآن مديون وعلى الله السداد
ولو ناوى تبدأ تانى ربنا يعينك ويقويك
ويا ريت تدعيلى فى المحنه اللى أنا فيها
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

تربية الأرانب أمراض الأرانب والوقاية منها
ta7t
جديد الموقع
» الذكر   أمس في 11:47 pm
» ولاده غريبه   أمس في 11:41 pm
» مطلوب وكلاء وموزعين وتجار جملة لمصنع سناكس بقويسنا 01221562826   أمس في 8:36 pm
» حصريا برنامج لحساب مكونات العلف وتكلفته على منتدى الأرانب للجميع فقط   أمس في 7:33 pm
» برنامج تقييم وتركيب أعلاف الدواجن   أمس في 7:15 pm
» مزارع جرين فالى للأرانب   أمس في 5:31 pm
» حصريا :برنامج لحساب دراسة الجدوى لمشروع الارانب على منتدى الأرانب للجميع فقط   أمس في 12:51 pm
» للبيع سلالات ارنب بيووووور جميع الانواع ورهان وسيبك من الى بيقول مفيش بيوور   أمس في 5:57 am
نتيجة الترم الشهادة الابتدائية الترم الأول 2015 نتيجة الترم الشهادة الاعدادية الترم الأول 2015 الارانب علاج انواع دراسة جدوى وسم_الكلمات العلف الاعلاف امراض الارنب اسعار بطاريات الجرب تربية التهاب وسم_الأعضاء الفطام للارانب الجس برنامج التسمم الرجل تلقيح الأرانب التلقيح ارانب